Am y Cynllun Cymeradwy Gofal Plant yng Nghymru

Daeth y Cynllun Cymeradwyo Gofal Plant i rym ym mis Chwefror 2007 ac mae’n cael ei redeg gan Nestor Primecare Services Ltd, y Corff Cymeradwyo, o dan gontract i Lywodraeth Cynulliad Cymru. Y ffi cymeradwyo, sy’n daladwy wrth wneud cais, yw £99 ar hyn o bryd ac mae’n cynnwys y gost o Ddatganiad Manwl gan y Biwro Cofnodion Troseddol (gwiriad CRB), o gynnal y wefan, o linell gymorth ffôn, o broses apelio a’r holl gostau gweinyddol a TAW.

Mae’r cynllun yn wirfoddol ac mae yn gymwys i Ofal Plant a ddarperir yng Nghymru yn unig.

Er mwyn cael ei gymeradwyo o dan y cynllun hwn mae’n rhaid i’r gofalwr fodloni’r meini prawf canlynol wrth wneud cais neu wrth adnewyddu cymeradwyaeth.

• Rhaid bod yn 18 oed neu’n hyn.
• Rhaid wrth gymhwyster sy’n bodoli eisoes ar y Fframwaith Cenedlaethol o Gymwysterau Achrededig ar gyfer Blynyddoedd Cynnar, Gofal Plant a Gwaith Chwarae ar Lefel 2 neu’n uwch.
• Rhaid bod ganddo dystysgrif cymorth cyntaf sy’n llai na thair blwydd oed, sy’n addas i ofal babanod a phlant ifanc ac sy’n cwmpasu delio ag argyfyngau, adfywio, sioc, tagu a sioc anaffylactig.
• Rhaid ei fod yn gallu dangos nad oes dim byd yn ei orffennol fyddai’n awgrymu eich bod yn anaddas i ofalu am blant (fel arfer drwy wiriad CRB).

Mae'r gymeradwyaeth yn ddilys am ddeuddeng mis.