|
C. Os wyf yn gofalu am blentyn neu am blant yn un o’u cartrefi os rhaid imi fod wedi cael fy nghymeradwyo?
A. Nac oes, cynllun gwirfoddol yw hwn ond bydd yn eich galluogi i brofi i gyflogwyr eich bod wedi ateb y meini prawf a bydd yn eu galluogi i ddefnyddio’r cymorth ariannol sydd ar gael os ydyn nhw’n gymwys, a ddylai olygu eich bod yn fwy cyflogadwy.
C. Faint fydd yn costio i gael fy nghymeradwyo?
A. £99 fydd y ffi cymeradwyo am geisiadau a gyflwynwyd o 1 Chwefror 2007 (bydd hyn yn cynnwys TAW ac ni ellir ei ad-dalu). Mae hyn yn cynnwys cost gweinyddu a Datganiad Manwl gan y Biwro Cofnodion Troseddol (Gwiriad CRB) Mae’r ffi’n daladwy’n flynyddol wrth i’r gymeradwyaeth gael ei hadnewyddu. Mae cymeradwyaeth yn para am 12 mis felly bydd rhaid i chi wneud cais bob blwyddyn.
C. Rwyf yn gweithio fel gofalwr plant yn yr Alban/Lloegr, a allaf i wneud cais i gael fy nghymeradwyo?
A. Mae Cynllun Cymeradwyo Gofal Plant Cymru yn gymwys i Gymru yn unig er os ydych chi’n byw yn yr Alban neu yn Lloegr ac yn gofalu am blant gallwch chi wneud cais i ddod yn Ofalwr Plant Cymeradwy.
C. Pam nad ydym ni’n derbyn hygludedd gwiriadau CRB?
A. Nid yw Nestor, yn unol â pholisi’r cwmni o dan gyngor ac arweiniad gan y CRB, yn derbyn hygludedd oherwydd bod peth gwybodaeth yn cael ei chyflenwi i’r Corff sy’n gofrestredig gyda’r CRB yn unig. Nid oes gan yr ymgeisydd fynediad ato ac felly pan eir â Thystysgrif gwirio CRB i gorff arall nid yw’r wybodaeth ychwanegol hon yn dilyn.
C. Beth all rhywun ei wneud os gwrthodir ei gymeradwyo?
A. Yn y lle cyntaf gall gofalwyr plant ofyn i’r Corff Cymeradwyo ailystyried ei benderfyniad. Os nad yw’r gofalwr plant yn hapus ar ôl y broses apelio fewnol hon gyda’r penderfyniad gall wneud apêl i’r Tribiwnlys Safonau Gofal.
Mae’r Tribiwnlys Safonau Gofal yn gorff annibynnol a sefydlwyd o dan Ddeddf Amddiffyn Plant 1999. Mae rhagor o wybodaeth am y tribiwnlys ar gael ar y wefan - www.carestandardstribunal.gov.uk
|
